15 жилийн ойн шагайн харвааны тэмцээн зохион байгууллаа.

Батсүмбэр сумын шагайн харваан салбар зөвлөлөөс 15 жилийн ойгоо тохиолдуулан  “15 жилийн ойн шагайн харвааны тэмцээн”-ийг зохион байгууллаа. Тэмцээнд 4 багийн 30 гаруй харваач оролцсоноос багийн харваанд 1 дүгээр байранд Монгол улсын хүндэт харваач, аймгийн гоц мэргэн  О.Сэнгээ ахлагчтай баг, 2 дугаар байранд аймгийн гоц мэргэн С.Ууганбаатар ахлагчтай баг, 3 дугаар байранд Монгол улсын хүндэт харваач Ч.Арслан ахлагчтай баг,  Хүн нэг бүрийн харваанд 1 дүгээр байранд аймгийн гоц мэргэн Б.Батбаяр, 2 дугаар байранд  аймгийн гоц мэргэн Т.Түмэн-Эрдэнэ, 3 дугаар байранд залуу харваач Ц.Энхтөгс нар тус тус шалгарлаа. Тус тэмцээний үеэр  аймгийн гоц мэргэний болзол хангасан О.Сэнгээ, Д.Ариунболд, Монгол улсын хүндэт харваачийн болзол хангасан Ц.Шинэсүх нарын шагналыг сумын ИТХ-ын дарга Б.Цэцэнтунсаг гардуулан өглөө. Тэмцээнийг сумын шагайн харвааны зөвлөлөөс зохион байгуулж, Б.Батбаяр, Д.Ариунболд нар  ивээн тэтгэн зохион байгууллаа.